குடா நாட்டில் மூன்றில் ஒருபகுதி இராணுவ ஆக்கிரமிப்பில்: ஆய்வு

வெள்ளிக்கிழமை, ஜனவரி 13, 2012

யாழ் குடா நாட்டின் மூன்றில் ஒரு பகுதி சிங்கள ஆக்கிரமிப்பு படையினரால் கையகப்படுத்தப்பட்டுள்ளது. இந்த ஆக்கிரமிக்கப்பட்ட பகுதிகளில் சுமார் 1000 வரையான வீடுகள் உட்பட பொதுமக்களின் சொத்துக்கள் இராணுவத்தின் கட்டுப்பாட்டில் உள்ளன. இதனால் 809 குடும்பங்களைச் சேர்ந்த 2,519 பேர்பாதிக்கப்பட்டுள்ளனர். அவர்களில் சிலர் தமது சொத்துக்கள் மூலமான வருமானங்களை இழந்து நிர்க்கதியாகி உள்ளனர். ஆனால் சிங்களபப்டையும் , அரசாங்கமும் படையினர் பொதுமக்களின் பிரதேசங்களில் இல்லை என கூறிவருகின்றது.

யாழ்ப்பாணத்தில் 435 கிராம அலுவலர் பிரிவுகள் உள்ளன. அவற்றில் 153 பிரிவுகளில் பொதுமக்களின் சொத்துக்கள் படையினரின் ஆக்கிரமிப்பில் உள்ளன. அதாவது குடாநாட்டின் மூன்றிலொரு பகுதியில் பொதுமக்கள் சொத்துக்கள் படையினரின் வசம் சிக்கியுள்ளன.

படையினர் வசம் உள்ள சொத்துக்களில் 551 வீடுகள், 308 காணிகள் மற்றும் தோட்டங்கள், 60 வியாபார நிலையங்கள் மற்றும் கடைகள் உள்ளடக்கம் என்று புள்ளி விவரங்கள் தெரிவிக்கின்றன.

இவற்றுள் சில சொத்துக்கள் மட்டுமே அவற்றின் உரிமையாளர்களின் விருப்பத்துடன் படையினருக்கு வாடகைக்குக் கொடுக்கப்பட்டுள்ளன. ஏனையவர்கள் தமது சொத்துக்கள் தம்மிடம் உடனடியாக ஒப்படைக்கப்பட வேண்டும் என்று வலியுறுத்துகின்றனர்.

Bookmark/Search this post with: