தமிழீழ கொள்கையினை ஆதரித்து செயற்பட தமிழர்களுக்கு உரிமை உண்டு. ஆனால் தமிழீழ விடுதலைப்புலிகளை ஆதரிக்க கூடாது.

லண்டனில் இடம்பெற்ற உலகத்தமிழ் பேரவை மாநாட்டிற்கு அமெரிக்கா வரவேற்பு தெரிவித்துள்ளது என சர்வதேச இணையதளங்கள் செய்தி வெளியிட்டுள்ளன.

இரண்டாவது தடவையாக உலகத்தமிழர் பேரவை இலண்டனில் பிரித்தானிய பாராளுமன்ற வளாகத்தினுள் வைபவ ரீதியாக ஆரம்பித்து வைக்கப்பட்டது. இதில் டேவிட் மில்லிபான்ட் உரையாற்றினார்.

மஹிந்த இராஜபக்‌ஷவுடன் வர்த்தக உறவு கலந்துரையாடலில் பங்குபற்றியதற்காகவும் அதன் செய்தியினை முன்பக்கத்தில் பிரசுரித்தமைக்காகவும் கனடா ஸ்காபரோவில் அமைந்துள்ள உதயன் பத்திரிகை  தாக்கப்பட்டுள்ளது.

இலங்கைக்கான ஏற்றுமதி வரி சலுகையினை ஐரோப்பிய ஒன்றியம் நிறுத்தியுள்ளது. ஆறு மாதத்திற்கு முன்பாகவே இந்த விடயம் கவனத்திற்கு கொண்டுவரப்பட்டு விவாதங்கள் இடம்பெற்றது.

இத்தாலியில் உள்ள இலங்கை தூதரகத்திற்கு முன்பாக  அங்கு இருக்கும் சிங்களவர்கள் மஹிந்தவுக்கு எதிராக ஆர்ப்பாட்டம் ஒன்றினை நடத்தினர்.

இரஸ்ய அரசாங்கம் 300 மில்லியன் ரூபாஆயுத உதவியினை இலங்கைக்கு கடனாக வழங்குகின்றது. அத்துடன் இரட்டிப்பு பாவனை ஒப்பந்தத்திலும் கையெழுத்து இட உள்ளது இவ்வாறு பி.ரி.ஐ செய்தி ஸ்தாபனம் அறிக்கை வெளியிட்டுள்ளது.

தமிழீழ விடுதலைப் புலிகளின் முன்னாள் போராளிகள் சித்திரவதைக்கு உட் படுத்தப்படக்கூடிய அபாயம் நிலவுகிறது என சர்வதேச மன்னிப்புச் சபை எச்சரிக்கை விடுத்துள்ளது. சிறுவர் போராளிகள் உள்ளிட்ட பெருந்தொகையான விடுதலைப் புலிகளின் முன்னாள் போராளிகள் தற்போது படையினரால் தடுத்து வைக்கப்பட்டுள்ளனர்.  விடுதலைப் புலிகளுடன் தொடர்புடைய சந்தேகத்தின் பேரில் குறைந்த பட்சம் 12 ஆயிரம் பேர் கைது செய்யப்பட்டுள்ளனர் எனத் தெரிவிக்கப்படுகிறது.

இலங்கையில் நிரந்தரமான தீர்வு ஏற்படுவதனையே பிரிட்டன் எதிர்பார்க்கின்றது என பிரிட்டனின் வெளிவிவகார செயலர் டேவிட் மில்லிபான்ட் தெரிவித்துள்ளார். இன்று பாராளுமன்றத்தில் பேசிய அவர் இலங்கை அரசானது மீழ் குடியமர்வை செய்து வருகின்றது எனவும் ஆனால் உண்மையில்  நிரந்தரமான மீழ் இணக்கத்தினையே தாம் எதிர்பார்ப்பதாகவும் குறிப்பிட்டுள்ளார்.