ஜனாதிபதி தேர்தலில் எதிர்க் கட்சிகளின் பொது வேட்பாளராகப் போட்டியிடும் ஜெனரல் பொன்சேகாவுடன் தாம் எவ்வித உடன்படிக்கைகளையும் செய்துகொள்ளவில்லையென தமிழ் தேசியக் கூட்டமைப்பின் பாராளுமன்றக் குழுத்தலைவர் இரா சம்பந்தன் தெரிவித்துள்ளார்.

அம்பாறை மாவட்டத்தில் கடந்த இரு தினங்களாகப் பெய்துவரும் அடைமழை காரணமாக இதுவரை சுமார் 50,000 குடும்பங்கள் பாதிக்கப்பட்டுள்ளன. இவர்களுக்கான நிவாரணங்களை அந்தந்தப் பிரதேச செயலக அதிகாரிகள் வழங்கிவருவதாக அம்பாரை மாவட்ட இடர் முகாமைத்துவ மத்திய நிலையத்தின் பொறுப்பதிகாரி ஏ எஸ் எம் ஸியாத் தெரிவித்தார்.

வன்னியிலிருந்து இடம்பெயார்ந்து வவுனியா நலன்புரி நிலையங்களில் இருந்த வன்னி மக்களில் குறிப்பிட்ட ஒரு தொகுதியினர் அம்பாறை மாவட்டத்திற்கும் அனுப்பப்பட்டனர். அம்பாறைக்கு அனுப்பப்பட்டவர்களை இது வரையில் உறவினர்களிடம் கையளிக்கவில்லை. அவர்களை அக்கரைப்பற்றில் பொத்துவில் வீதியில் உள்ள இராணுவ முகாமிலேயே தடுத்து வைக்கப்பட்டுள்ளனர்.

இலங்கை அரசியலமைப்பின் 13வது திருத்தசட்டத்தின்படி காணி நிர்வாகம் அந்தந்த மாகாணசபைக்குரியதாகும். இத் திருத்தச்சட்டம் முற்றாக இன்னமும் அமுலில் இல்லாத நிலையில் மாகாண அமைச்சின் அனுமதி இன்றி மத்தியஅரசு தனியாருக்கு காணிகளை பகிர்ந்து அளிப்பதானது தடுத்து நிறுத்தப்படல் வேண்டும்